Најмалку десет загинати во самоубиствен напад во Нигерија
Најмалку десет лица загинаа кога тинејџер бомбаш-самоубиец денеска активирал бомба на пазар на североисток од Нигерија, информираа очевидци на настанот.
Очевидците наведуваат дека околу пладне се слушнала силна експлозија на големиот пазар во државата Адамава, една од државите кои е најмногу погодена од насилството во текот на седумгодишното делување на екстремистичката организација Боко Харам, пренесуваат француските медиуми.
Никој се уште не ја презел одговорноста за нападот, но експлозиите се „заштитниот знак“ на Боко Харам, групата која често пати гаѓа цивилни мети, како пазарите, џамиите или автобуските станици, како и контролните пунктови на војската и граѓаните.
Пред два дена најмалку 13 лица беа убиени, а 30 повредени во напад на тројца бомбаши самоубијци во градот Чибок, на север од Нигерија, познат по тоа што во него Боко Харам пред две години грабна повеќе од 250 ученички.
Ново на Сител
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава
-
Мајката на починатата студентка од Кавадарци во Штип лани измасакрирала и запалила човек
-
Судир на два автомобили и камион со приколка на автопатот „Пријателство“, тешко повредено едно лице