СДСМ: Додека СДСМ им помага на граѓаните градоначалниците на ВМРО-ДПМНЕ се луксузираат

ВМРО-ДПМНЕ продолжува со своето лицемерие. Тоа е партијата која двојно го зголеми јавниот долг за да гради лажен барок и споменици, а сега во време на криза нивните градоначалници трошат милиони евра на партиски вработувања и луксузирања, и не помисливаат да им помогнат на граѓаните.

Напротив, ВМРО-ДПМНЕ е единствената партија на светот, што со блокади дополнително им го отежнува  животот на граѓаните, во време, кога секоја помош им е добредојдена.

За разлика од нив, со СДСМ и во време на светска економска криза платите растат. Просечната плата се искачи на 31.080 денари, со што е реализирано клучното ветување на СДСМ за просечна плата од 500 евра.

Минималната плата е зголемена на 18.000 денари, следува период на раст на платите во сите сектори согласно растот на минималната плата. Со договор со синдикатот се постигна рекордно зголемување од 15 отсто на платите во образованието и детската заштита, следува раст на пензиите.

Владата предводена од СДСМ со ребалансот на буџетот, заштедата на непродуктивните трошоци во висина од 200 милиони евра, ќе ја пренамени за надминување на последиците од светската економска криза за економијата, граѓаните, пред се за ранливите категории.

Додека СДСМ им помага на граѓаните и на компаниите од Белата палата критикуваат и прават опстукции.

ВМРО-ДПМНЕ секогаш има проблем кога парите завршуваат кај граѓаните, наместо во белиот дворец како во годините на режимот.

Центар за комуникации со јавност на СДСМ