Русите ќе го запрат протокот на гас преку Северен тек
Испораката на руски гас за Европа преку гасоводот Северен тек 1 ќе биде во прекин три дена, од 31 август до 2 септември, поради „одржување“, соопшти денеска големата руска гасна компанија „Газпром“.
„На 31 август 2022 година, единствената станица за компресија на гас Трент 60 ќе биде исклучена на три дена поради одржување“, во која ќе учествуваат техничари на Сименс, се вели во соопштението за печатот на Гаспром.
Објавувањето на оваа информација може дополнително да го зголеми стравот од недостиг на гас во Европа, која ја обвинува Москва дека ги уценува снабдувачите со енергија. Откако западните земји воведоа санкции кон Москва по почетокот на нејзината офанзива врз Украина, Русија постојано го намалуваше количеството испорачано гас во Европа, која е во голема мера зависна од неа.
До минатата година, Европската унија увезуваше околу 40 отсто од гасот од Русија. Во последните недели Русија го оправда ова намалување со тоа што не ја врати турбината на Сименс од Канада, која беше таму за поправка и која Москва тврди дека е од суштинско значење за правилно функционирање на гасоводот Северен тек 1.
Европските земји ја обвинуваат Москва дека го отежнува враќањето на турбината за да има изговор да ги намали испораките и со тоа да изврши притисок врз нив. Десетдневниот прекин на снабдувањето во јули заради одржување ја зголеми загриженоста на европските земји кои со месеци се обидуваат да го диверзифицираат снабдувањето.
Ново на Сител
-

Koшта: Проширувањето на ЕУ служи за зајакнување на Европа, како отпорна економска сила и сила за мир
-

Измамници ја користат видео играта GTA VI за да крадат пари и податоци од гејмерите
-

Побаран притвор за охриѓанецот кој ја претепа својата девојка - се товари за три кривични дела
-

Мицкоски со осуда за нападот врз девојката во Охрид: Ќе сториме сè сторителот да одговара пред правдата
-

Попладнево повторно приведен Корабоски – нови околности во случајот
-

Чеферин гостин на Омерагиќ, заедно ќе го следат дуелот Македонија – Словенија
-

МФ: Јавниот долг во 2027, во согласност со ревидираните податоци за БДП, нема да го надмине прагот од 60%
-

Родителите со две ќерки се најсреќни, покажува научна студија на речиси 50.000 луѓе
