Повеќе од 3.000 Украинци засолнети во Албанија

Од почетокот на рускиот напад врз Украина, пред шест месеци, повеќе од 3.000 украински граѓани прибежиште нашле во Албанија, изјави украинскиот амбасадор во Албанија, Володимир Шкуров.

Додава дека повеќето од нив се решени да се вратат во Украина и да ја обноват својата земја по војната.

-Имаме посебна благодарност до народот на Албанија, кој собра разновидна помош, во средства, лекови, храна и други производи. Добивме многу силна поддршка од САД и земјите од НАТО, а оваа помош и поддршка се многу значајни за нас, изјави украинскиот амбасадор Шкуров, по настанот „Украинска книга“ во Националната библиотека на Албанија.

Ова е иницијатива на првата дама на Украина, Олена Зеленска, за да можат Украинците засолнети во Албанија да најдат книги на својот јазик.

Соработката меѓу Албанската национална библиотека и амбасадата на Украина во Албанија беше опишана како односи меѓу двете земји.

Директорот на Националната библиотека, Пиро Миша, меѓу другото ја нагласи важноста од отворањето украинско литературно катче во библотеката како дел од добрите односи меѓу двете земји.