Смртниот биланс од инцидентот на стадион во Индонезија се зголеми на 131 лице
Уште шест лица им подлегнаа на повредите здобиени во инцидентот на фудбалски стадион во Индонезија, со што бројот на жртви се искачи на 131, потврди денеска локален здравствен претставник од градот Маланг.
Иако првичните информации говореа дека бројот на загинатите во саботниот метеж е 174, подоцна бројката беше ревидирана и беше објавено дека загинале 125 лица.
Метежот се случи на крајот од фудбалскиот натпревар во Маланг на источниот индонезиски остров Јава, кога неколку илјади навивачи влегоа на теренот, по што полицијата употреби солзавец, па дојде до стампедо.
Инцидентите се случија поради поразот на домашниот клуб Арема од Персебаја од Сурабаја (3:2).
Началникот на полицијата во провинцијата Источна Јава во Индонезија, Нико Афинта, се извини за превидот.
– Како началник на регионалната полиција, јас сум загрижен, тажен и во исто време жалам за пропустите во безбедносниот систем, рече Афинта.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување