Лапид смета дека испораките ирански дронови за Русија го загрозува целиот свет

Израелскиот премиер, Јаир Лапид, во интервју за рускиот телевизиски канал „РТВ“ изјави дека односите на Русија со Иран претставуваат сериозна закана за целиот свет.

Тој смета дека односите меѓу Русија и Иран се сериозен проблем за Израел, но и за Украина, Европа и целиот свет.

„Иран е опасна терористичка држава и фактот што Русија има работа со неа го става во опасност целиот свет. Фактот дека тие користат ирански дронови за да убиваат украински цивили е апсолутно неприфатливо“, нагласи израелскиот лидер.

Лапид ја повтори својата поддршка за Украина во конфликтот со Русија, но нагласи дека негова „должност е да се грижи за безбедноста на Израел“ очигледно алудирајќи на изјавата на министерот за одбрана, Бени Ганц, дека Израел нема да ја снабдува Украина со оружје, јавија израелските медиуми.