Евертон купен за 200 милиони!

Американски конзорциум за сума од 200 милиони фунти ќе го купи англискиот Премиерлиаш Евертон, пренесува BBC.

 

Групата која ја предводат Џон Џеј Мур, поранешен сопственик на бејзбол тимот Сан Диего и Чарлс Ноел, на добар пат се успешно да ги завршат неколкумесечните преговори со првиот човек на Евертон, Бил Кенрајт.

 

Мур и Ноел, првично покажувале интерес за Свонси, но на крајот сепак се решиле за клубот од Ливерпул.

 

Кенрајт се наоѓа на чело на клубот од 1999 година, кога стана сопственик за ’само’ 20 милиони фунти. Тој изјавил дека е подготвен да го препушти тимот на луѓе кои ќе инвестираат во него, особено со реконструкцијата на стадионот „Гудисон парк“.

 

Фудбалерите на Евертон, по 25 одиграни натпревари во Премиерлигата, се наоѓаат на осмото место на табелата со 35 освоени бодови.