ВМРО ДПМНЕ: Отсуството на директорот Ахмети е доказ дека за ДУИ функционирањето на државата е во втор план

Иако системот на ФЗОМ две недели е крахиран, осигурениците не можат да добијат никаква информација, лекарите не можат да добијат плата, сепак директорот од ДУИ, Фатон Ахмети, е на одмор во САД, тој не е на своето работно место и официјално потврдија од ФЗОМ дека користи годишен одмор.

Директорот Ахмети, користи годишен одмор затоа што е во политичка посета, како кадар на ДУИ бидејќи неговата посета не е од позиција на директор, туку лична, и единствениот бенефит е негово политичко надградување. Ова го потврди и самиот тој со тоа што обелодени дека е на лидерска визитинг програма, која се спроведува за политичари, а не за државни функционери.

Почитувани,

Заради неспособноста на менаџментот на ФЗОМ, од кој дел е и Ахмети, целиот систем на податоци на фондот беше и сеуште е загрозен и е под сериозна опасност, со можност податоците да исчезнат и да треба да се внесуваат рачно со месеци. Епилогот до сега е лекари без плата и голем број закочени процеси.Ковачевски како премиер молчи само заради поддршката на ДУИ, без која тој воопшто нема да биде на таа функција, и затоа е заложник на истите.

За ДУИ и СДС државата и нејзиното функционирање се секогаш во втор план.

Имено, Фатон Ахмети, со ваквата постапка покажува дека за него неговиот политички ангажман во ДУИ е поважен од државната функција, која што ја извршува и за која е платен од граѓаните.

Фатон Ахмети исто како и Артан Груби, го стави својот личен интерес пред интересот на граѓаните од чиј пари е платен.

Ковачевски пак, наместо да молчи и да прави квази реконструкции на владата треба веднаш да го разреши Фатон Ахмети од позицијата директор на ФЗОМ, а доколку не го направи тоа само ќе стави печат на фактот дека е заложник на ДУИ, со чија помош сеуште се држи на власт.

Марија Митева, портпарол на ВМРО-ДПМНЕ

Центар за комуникации на ВМРО-ДПМНЕ