ОН: Недостигот на вода може да стане глобален проблем
Недостигот на вода поради нејзината прекумерна потрошувачка и климатските промени може да доведат до глобална криза на водата, предупредија ОН во извештајот објавен синоќа.
Генералниот секретар на ОН, Антонио Гутереш рече дека водата, која е „крвотокот на човештвото“, се троши поради неодржлива употреба, загадување и неограничено глобално затоплување.
Ричард Конор, водечки автор на извештајот, рече дека околу 10 отсто од светското население моментално живее во области каде недостигот на вода е голем или критичен.
Според најновиот климатски извештај на ОН објавен вчера, околу половина од светското население има недостиг на вода барем дел од годината.
Конор изјави дека „неизвесностите се зголемуваат“ кога станува збор за глобалното снабдување со вода и дека дефинитивно ќе има глобална криза доколку не се реши проблемот.
Заменик-генералниот секретар на ОН, Уша Рао Монари, кој е официјален домаќин на конференцијата за вода на ОН, изјави за Би-Би-Си дека во иднина ќе треба повнимателно да се управува со ресурсите. „Има доволно вода на планетата ако управуваме со неа поефикасно отколку што правевме во изминатите неколку децении“, рече таа.
Самитот, чиј домаќин се владите на Таџикистан и Холандија, ќе собере околу 6.500 учесници, меѓу кои 100 министри и десетина шефови на држави или влади.
Ново на Сител
-

Протести во Прага поради планираното укинување на претплатата за чешките јавни медиуми
-

Од специјализирана продавница за „Покемон“ украдени карти во вредност од над 130.000 евра
-

Трамп бара од Конгресот дополнителни средства за модернизација на американскиот систем за контрола на воздушниот сообраќај
-

Следува променливо облачно и потопло време, од среда повремено силен јужен ветер
-

Изминатото деноноќие 15 пријави за семејно насилство во државава
-

Акциски контроли на подрачјето на Центар во Скопје, констатирани повеќе прекршошци
-

Седум ПП возила и 19 пожарникари гаснеле запалена барака во Жданец
-

Николоски: Охридскиот аеродром годинава ќе достигне помеѓу 370.000 и 400.000 патници наспроти предвидените 130.000 до 2030 година
