МОН: Со широка поддршка продолжува реформата на основното образование
Реформата на основното образование ќе продолжи согласно предвидената динамика, затоа што ги дава очекуваните ефекти. Предизвици постојат и тие се надминуваат преку заеднички пристап, а во меѓувреме е добредојдена секоја добронамерна сугестија која би можела да го олесни спроведувањето и да ја подигне нејзината ефикасност и ефективност.
Ова било констатирано на денешната средба помеѓу претставници на Министерството за образование и наука, Бирото за развој на образованието и од Самостојниот синдикат за образование, наука и култура-СОНК, наставници по Географија и, како што наведува МОН, „засегнати во оваа трета фаза од спроведувањето на планот за реформирање на основното образование“.
-На средбата беше потврдено дека реформата е добро конципирана и ќе продолжи да се спроведува со поддршка од сите засегнати страни, а почестите средби и дискусии може да помогнат во надминувањето на предизвиците кои би можеле да се појават тековно. Од страна на министерот за образование и наука Јетон Шаќири беше посочено дека ниту еден наставник нема да биде отпуштен од работа, ниту пак ќе добива помала плата поради интеграцијата на предмети која е предвидена со реформирањето. Секој просветен работник чиј предмет кој го предава се интегрира со други предмети од сродната наука, останува на своето работно место, ќе ја добива платата за полн фонд на часови, а дополнително, заедно со СОНК, ќе се изнајде и заедничко решение личните примања повторно, по трет пат во период од една година, да бидат значително зголемени, информира Министерство за образование и наука.
МОН во соопштението наведува дека ги повикува сите други општествени чинители, „особено оние со моќ за политичко влијание“, да дадат свој придонес во заложбите за унапредување на квалитетот на националниот образовен систем.
-Промените не може да се случат преку ноќ и со неосновани критики, туку, напротив, етапно и со конструктивно учество на сите засегнати страни и фактори, додава МОН.
Ново на Сител
-
29 годишник од Тетово на социјалните мрежи објавувал слики од малолетничка со вулгарен текст
-
Прилеп ќе го прогласи петок, 4 октомври, за ден на жалост
-
Кривична пријава против поранешен градоначалник за злоупотреба на службена положба и овластување
-
Муниција и експлозив пронајдени во дом во Козле, куќен притвор за осомничениот
-
Одбележана 80-годишнината на Стопанска банка - темелот на домашната економија
-
Уапсени две лица кои сакале да крадат од зградата во Чаир која гореше вчера
-
Шолц: Никогаш не ги заборавајте негативните аспекти на обединувањето на Германија
-
ЕК бара информации од Јутјуб, Снепчет и ТикТок за начинот на препорачување содржини на корисниците