ЦУК: Вчера имало 33 пожари, активни седум од вчерашните и четири нови од утрово
На тертиторијата на државава вчера имало вкупно 33 пожари. Активни од вчерашните се уште седум, а утрово има известување за четири нови пожари, два во Општина Ѓорче Петров и по еден во општините Петровец и Шуто Oризари, каде што се запалени отпадоци, информираат од Центарот за управување со кризи (ЦУК).
По дел од пожарите што загрозуваа села, како што се наведува во соопштението, се дејствувало и со два противпожарни авион на ДЗС и со еден хеликоптер на МВР, а некаде покрај ПП тимови во одбрана на селата се вклучи и месно население, како во Демирхисарско.
Големите активни пожари од вчера, заради коишто директорот на ЦУК, Стојанче Ангелов, лично направи хеликотерско извидување во соработка со хеликоптерската единица на МВР се во:
- Општина Македонски Брод, високо над с.Белица, во месноста „Аргулица“ под Солунска Глава на непристапен терен (каде што гори борова шума);
- Општина Штип, два пожара од поголеми размери, еден кај с.Селце на планинскиот дел Серта од Конечка Планина (нискостеблеста шума) и еден пожар с.Калапетровци (дабова шума и сува трева);
- Општина Крушево, кај селата Света и Бирино (дабова шума);
- Општина Чашка, месност „Горна и Долна Бабина Дупка“ (нискостеблеста шума);
- Општина Валандово, с.Пирава, месност „Бел Камен“ (ниска вегетација) и во
- Општина Струмица, кај с.Габрово (каде што горела ниска вегетација).
- По рекордот од 60 пожари во неделата, вчера имаше „само“ 33 пожари на отворен простор од коишто во моментот горат се уште седум од вчерашните и четири нови од утрово, велат од ЦУК.
Ново на Сител
-
Малолетнички се степале во Шуто Оризари, бабата на една од нив дошла и продолжила да ја тепа другата девојка
-
Двајца скопјани се степале во Кисела Вода, поради недоразбирање во сообраќајот
-
Кешишев прв пат дознал за таткото на Вања во притвор, Палевски најави над 90 прашања
-
МВР: Погрешно паркираното возило во Дебар Маало не е на полициски службеник, дополнително го испитуваме случајот
-
Мицкоски и Филипче договорија заеднички работни групи
-
Вчера 794 сообраќајни прекршоци на територија на цела држава, 163 за брзо возење
-
39-годишен возач и малолетничка повредени откако со автомобил излета во Вардар во Челопек
-
Воспаление на срцето: Поверојатно после ковид или после ковид вакцина?