Во Скопје 299 санкционирани возачи, 43 за брзо возење

Вкупно 299 мерки, меѓу кои 43 за возење повеќе од дозволената брзина, 27 за возење без возачка дозвола и девет за минување на црвено светло на семафор се изречени во текот на вчерашната контрола во областа на сообраќајот на територијата на Град Скопје што ја спроведе Секторот за внатрешни работи Скопје.

-При контролата се изречени и 12 мерки за користење мобилен телефон при возење, 55 санкции за некористење сигурносен појас, четири мерки за управување под дејство на алкохол..., соопшти МВР и додаде дека и во наредните денови продолжуваат сообраќајните контроли.

ОД МВР апелираат граѓаните да ги почитуваат сообраќајните правила и прописи за, како што велат, да ја зголемиме безбедноста во сообраќајот и заедно да придонесеме за посигурни патишта.