Северна Кореја тестираше подводен систем за нуклеарно оружје
Северна Кореја извршила тестирање на својот подводен систем на нуклеарно оружје во знак на протест против овонеделните заеднички воени вежби меѓу Јужна Кореја, САД и Јапонија, јавија денеска државните медиуми.
Тестирањето на системот „Хаил-5-23“, како што Северна Кореја ги нарече своите подводни дронови способни за нуклеарен напад, беше спроведено од Министерството за одбрана во водите крај нејзиниот источен брег, се вели во извештајот, но не се наведува датум.
Неименуван портпарол на министерството ги обвини САД, Јужна Кореја и Јапонија дека „побеснале“ со воените вежби, предупредувајќи на „катастрофални последици“.
„Позицијата на нашата војска во борбата против подводното нуклеарно оружје е дополнително заокружена, а нејзините различни поморски и подводни активности за одговор ќе продолжат да ги одвраќаат непријателските воени маневри на морнариците на САД и нивните сојузници“, рече портпаролот на севернокорејската Министерството во соопштението, јави КЦНА.
Севернокорејската државна телевизија емитуваше претходни тестови со атмосферски експлозии, кои беа следени од американските и јужнокорејските власти, но пријавеното подводно оружје не е независно потврдено.
Наречен „Хаил“, што значи цунами, новиот систем на дронови, наводно, првпат бил тестиран во март 2023 година, а државните медиуми јавија дека е наменет за прикриени напади во непријателските води и да ги уништи поморските ударни групи и главните оперативни пристаништа со создавање голем радиоактивен бран со подводна експлозија.
Ново на Сител
-
Сиљановска Давкова: Разговорот со Радев беше пријателски и со почит, ни за миг не ги заборавив македонските национални интереси
-
Дел од општина Центар утре без вода
-
САД со санкции против конзорциумот Intellexa кој продавал шпионска технологија на авторитарните режими
-
Бугарскиот амбасадор ја одбил протестната нота, усно изразена загриженост поради отстапувањето од договорениот протокол и побарано дополнително објаснување
-
Бајден: На американската тајна служба и треба повеќе помош и работна сила
-
Градоначалникот на Белград повторно зборува за селење на гробот на Тито од Куќата на цвеќето
-
Осомничениот за обидот за убиство на Трамп пред федералниот суд на Флорида
-
Тепачка помеѓу две сестри во Скопје