Финска повторно најсреќна земја во светот

Финска го обезбеди првото место меѓу најсреќните земји во светот и таа титула ја носи седма година по ред, се вели во извештајот на мрежата за решенија за одржлив развој, која работи под покровителство на ОН, објавен денеска.

Просечниот рејтинг на таа нордиска земја е 7,7, а потоа следат Данска, Исланд и Шведска. На другиот крај на скалата е Авганистан, кој среде хуманитарна катастрофа по враќањето на Талибанците на власт во 2020 година го зазеде последното место од 143 земји со оценка 1,7.

Ова се десетте најсреќни земји во светот.

1. Финска
2. Данска
3. Исланд
4. Израел
5. Холандија
6. Шведска
7. Норвешка
8. Швајцарија
9. Луксембург
10. Нов Зеланд

Словенија е најсреќна од земјите од поранешна Југославија кои се на листата и е 21-ва во светот, Србија е 37-ма, Хрватска е 63-та и Босна и Херцеговина е 64-та.

Македонија е меѓу најнесреќните во регионот и се наоѓа на 84. место.