Напиток од портокал, ѓумбир и морков за младешка кожа

На интернет-просторот деновиве се препорачува нов пијалак за којшто голем број жени тврдат дека благотворно влијае на кожата, спречува брчки и помага за побрзо слабеење, пишува „Крстарица“.
Напитокот се состои од следното: два излупени портокали, четири – шест моркови, три сантиметри исечен ѓумбир и малку вода. Подготовка: Сите состојки се мелат во соковник, па сѐ тоа се процедува. Ако нема вообичаена кујнска цедалка, добиената смеса може да се процеди и низ газа или чиста памучна крпа.

Сокот се пие еднаш дневно, и тоа најубаво би било пред спиење, за здравите состојки да го имаат својот најдобар ефект. За мнозина, овој сок може да биде и премногу силен, па стручњаците препорачуваат првично да се почне со три напивки неделно, па тој број постепено да се зголемува. Така, за еден месец ќе се забележи промена на изгледот на кожата и телото.