Пожарникари од четири земји и ова лето ќе бидат лоцирани во Грција за да помагаат во гаснењето на пожарите
Во рамките на програмата преку европскиот механизам за цивилна заштита 240 пожарникари од Бугарија, Малта, Молдавија и Романија летово ќе престојуваат во Грција за да им помогнат на нивните грчки колеги во гаснењето на пожарите, програма што ќе се спроведе трета година по ред, јави дописничката на МИА од Атина.
Како што соопштија од Министерството за климатска криза и цивилна заштита на Грција, европските пожарникари, со противпожарни возила, постепено ќе бидат распоредени од почетокот на јули до средината на септември во три оперативни бази: во областа Атика поширокиот регион на Атина, во Солун и во областа Ахаија на северот од Пелопонез.
Пожарникарите од Бугарија од вторникот се во Солун, а на 15 јули ќе пристигнат и нивните колеги од Малта и Молдавија.
Конкретната програма првпат беше имплементирана во Грција во текот на летото во 2022 година, а сега се спроведува на проширен начин, бидејќи зголемен е бројот на земји кои ќе учествуваат и со испраќање и со прием на пожарникари.
Оваа година учествуваат вкупно 12 земји Австрија, Бугарија, Грција, Латвија, Малта, Романија, Словачка, Финска, а за Молдавија, Словенија, Естонија и Италија е прво учество.
Во рамките на програмата, вкупно 556 пожарникари ќе бидат распоредени во Грција, Франција, Шпанија и Португалија, со цел да се обезбеди помош во справувањето со шумски пожари, како и размена на знаење.
Ново на Сител
-
29 годишник од Тетово на социјалните мрежи објавувал слики од малолетничка со вулгарен текст
-
Прилеп ќе го прогласи петок, 4 октомври, за ден на жалост
-
Кривична пријава против поранешен градоначалник за злоупотреба на службена положба и овластување
-
Муниција и експлозив пронајдени во дом во Козле, куќен притвор за осомничениот
-
Одбележана 80-годишнината на Стопанска банка - темелот на домашната економија
-
Уапсени две лица кои сакале да крадат од зградата во Чаир која гореше вчера
-
Шолц: Никогаш не ги заборавајте негативните аспекти на обединувањето на Германија
-
ЕК бара информации од Јутјуб, Снепчет и ТикТок за начинот на препорачување содржини на корисниците