По укинување на факултетот на Мерко, можно е затворање и на други

По укинување на приватниот факултет за здравствени науки во Струга, можно е затворање и на други. Инспектори проверуваат како работат државните и приватни факултети низ државата по пристигнати претставки за нерегуларности. МОН ќе прави увид и на издадени акредитации. 

Според објавените конкурси за упис, актуелни и натаму се медицинскиот факултет, ФИНКИ, ФЕИТ, правен и економски. Од следната година МОН ќе ги дефинира квотите за упис согласно потребата на пазарот на труд. 

На економскиот факултет последниве години анализата ја прават во согласност со бизнис заедницата и речиси двојно ги намалиле квотите. Деканот за Сител вели не би било пожелно административно да се одредува бројот за упис. 

Објавен е и конкурсот за легла во студентиските домови, оваа година два се реновираат па место повеќе ќе се обезбедува во ученичките домови.