Верстапен: Направивме некои промени и однесувањето на мојот болид стана непредвидливо

Светскиот шампион Макс Верстапен објасни дека промената на поставките на неговиот болид за квалификациите за Големата награда на Азербејџан довела до потскокнување на патеката во Баку и оттука понизок резултат од очекуваниот.
Верстапен заврши на 6-то место во квалификациите, со 0,658 секунди заостанување од првопласираниот Шарл Леклер, и во ниту еден момент не беше сериозен кандидат за пол-позиција.
Исто така, за прв пат во 33 трки од минатогодишното Гран При на Мајами, тимскиот колега на Макс Серхио Перез заврши пред него во квалификациите - 4-ти.
- Во моментот кога излегов на патеката за првиот дел од квалификациите почувствував дека направивме чекор назад во болидот. Направивме некои промени и однесувањето на мојот болид стана непредвидливо и стана тешко за возење. При вртење и излегување од кривините, задниот дел почна да отскокнува. Во вториот дел се претставивме релативно добро, но не можев се да извадам од болидот. Имав премногу надуправување, а тоа не е добро за улична патека, истакна пилотот.
Сепак, Верстапен објасни дека во споредба со Монца, Ред Бул има напредок и болидот не е тоа „чудовиште“ од Италијанското ГП. Но, тој призна дека бил песимист во врска со прекинот на неговата серија од шест трки без победа пред настапот на РБ20 во Баку.
Ново на Сител
-

Трамп: Иранците одиграа мала игра, но многу добри разговори се во тек
-

МВР и ТАВ Македонија: Успешно спроведена вежбата „Сигурен хоризонт 2026“ – тестирана подготвеноста за одговор на сложени безбедносни закани
-

Папата Лав Четиринаесетти го ублажува спорот со Трамп, тврди дека наводите за неговите изјави се неточни
-

Сибиха: Зеленски е подготвен за средба со Путин
-

Лишени од слобода три лица, а со четири извршен службен разговор за семејно насилство во последното деноноќие
-

Оштетен минибус со охридски навивачи
-

ЈП Водовод и канализација – Скопје со акција за отплата на долгови без пресметка на камата
-

Десет лица повредени во верижен судир на пет возила во Ѓорче
