МЗТ Скопје по седми пат го освои Суперкупот

Актуелниот кошаркарски шампион МЗТ Скопје Аеродром вечерва го победи Пелистер во  Суперкупот на Македонија „Драган Василов-Цевка“.

Ова е седми трофеј за аеродромци во ова натпреварување.

Битолчани беа подобар противник од бранителот на трофејот, до 15. минута од натпреварот. МЗТ Скопје надополни двоцифрена негатива која ја имаше на средина на втората четвртина и на крајот заслужено се радуваше.

Најефикасен во победничкиот тим на дуелот одигран во СРЦ „Кале“ беше Слај со 14 поени, Маслинко заврши со 10.

Кај Пелистер се истакна Бојиќ со 19 поени, Антоан застана на бројката од 14 реализации.