СЗО: Пренесувањето на вирусот зика по сексуален контакт е пораспространето отколку што се проценувало
Пренесувањето на зика вирусот по сексуален пат е пораспространето отколку што порано се верувало, соопшти Светската здравствена организација повекувајќи се на извештаи од повеќе држави.
По состанокот на Одборот за итни ситуации, СЗО наведува дека има се повеќе податоци за зголемен број на вродени маани предизвикани од вирусот зика.
Тој вирус воглавно се пренесува по убод на комарци.
Генералниот директор на СЗО, Маргарен Чан вели дека извештаите и истрагите од повеќе држави укажуваат дека пренесувањето на тој вирус по сексуален пат е пораспространето отколку што претходно се претпоставувало.
Таа рече дека девет држави пријавиле поголем број случаи на Гиен-Бареов синдром, ретка болест која може да предизвика привремена парализа и смрт, не само меѓу жени туку и меѓу деца, тинејџери и постари луѓе.
– Сето тоа е вознемирувачко, изјави Чен.
СЗО им препорача на бремени жени да избегнуваат патување во држави каде е прогласена епидемија на зика и ако нивните партнери патуваат во такви држави, да се преземат мерки за безбеден сексуален однос.
Иако нема конечни докази дека зика предизвикува вродени маани и невролошки проблеми, Чан вели дека официјалните здравствени лица не треба да чекаат конечни научни потврди пред да дадат препораки.
Ново на Сител
-
Си пред посетата на Србија го критикуваше НАТО за бомбардирањето на Белград во 1999 година
-
ЕУ одобри шест милијарди евра за Балканот, Рама: Историски момент, кој внесува нов импулс во процесот на проширување
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња