Договор за соработка меѓу поштите на Македонија и Косово
Поштенските управи на Македонска пошта и Пошта Косово денеска потпишаа Договор за соработка во поштенскиот сообраќај и Договор за издавање на заедничка поштенска марка на тема „Планински туризам“.
- Потпишувањето на овој Меморандум за соработка помеѓу нашите две поштенски управи нека претставува нов импулс за идна посеопфатна и продлабочена соработка. Секојдневно, ние поштенските управи, се соочуваме со нови предизвици, а одржливиот развој стана суштински елемент за поштенскиот развој. Тоа придонесува за подобрување на односите со корисниците, развој на нови пазари, унапредување на личниот развој на вработените и подигање на свеста за социјални и еколошки прашања како општествено одговорни компании, истакна генералниот директор на Македонска пошта Фаадис Реџепи на церемонијата на потпишувањето.
Тој нагласи дека филателијата за двете поштенски управи може да претставува одраз на заедничка мисија за соработка и развој на нови филателистички производи со различни теми и мотиви.
- Поштенските марки претставуваат универзален јазик за комуникација. Пример за ова што го говорам е потпишувањето на денешната Спогодба за издавање на заедничка поштенска марка на тема „Планински туризам“, рече Реџепи.
Генералниот директор на Пошта Косово, Сејди Хоџа рече дека Македонска пошта и Пошта Косово се пример за соработка и за другите институции во двете држави.
- На овој начин ние практично ги покажавме нашите европски вредности на комуникација и взаемна соработка. Ова несомнено ќе продолжи и во иднина. Македонска пошта е една од првите во регионот која воспостави соработка со Пошта Косово. Ние нема да ја заборавиме ова поддршка, ќе создадеме можности нашите поштенски администраци да организират средби, семинари, и заеднички конференции со цел, размена на искуства, потенцира Хоџа.
Ново на Сител
-
Се запали казино во Охрид | ВИДЕО
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка