Бадникова поворка во понеделник во Кавадарци

Бадникова поворка ќе се реализира во понеделник од десет часот во Кавадарци, информираат од Кавадаречкото архиерејско намесништво. 

- На петти јануари, недела во 09:30 часот, покануваме дечиња да дојдат во храмот „Света Петка". По завршување на литургијата, ќе има средба и разговор за бадниковата поворка. Во меѓувреме тие што се во можност, да направат ѕвезди и да ги земат со себе на шести јануари. Тие што не можат да изработат ѕвезда, за нив ќе има во храмот, да си земат на петти јануари кога ќе дојдат во црквата. Материјалите зa изработка на ѕвезди, може да се земат од храмот „Света Петка". Сите деца се добредојдени, соопштија од Архиерејското намесништво.  

Со Бадниковата поворка и пеење на песната „Вечниот бог", традиционално се најавува Христовото раѓање.