Протести во Шпанија против спогодбата меѓу ЕУ и Турција за мигрантите
Околу 5.000 лица синоќа се собраа на протест во центарот на Мадрид против спогодбата меѓу Европската унија и Турција за ограничување на приливот на мигранти, пренесе ТАСС.
„ЕУ е нечовечна кон бегалците“, пишуваше на еден транспарент што учесниците на протестот го кренаа на плоштадот „Пуерта дел Сол“ во шпанската престолнина. Тие скандираа пароли за поддршка на мигрантите.
Слични митинзи се одржаа во уште околу 50 шпански града, меѓу кои Барселона и Валенсија.
Шефовите на држави или Влади од ЕУ се собираат денеска во Брисел за да ја разгледаат предлог спогодбата со Турција. Утре нив ќе им се приклучи и турскиот премиер Ахмет Давутоглу.
Шпанскиот весник „Мундо“, цитиран од ТАСС, пишува дека на средбата на врвот на ЕУ шпанскиот в.д премиер Маријано Рахој ќе се изјасни против колективното враќање на мигрантите во Турција, бидејќи тоа е во спротивност со меѓународното право.
Ново на Сител
-
АМСМ: Камионите се пренасочуваат од Блаце, има проблем со терминалот
-
Путин: Руските сили напредуваат на сите фронтови во Украина
-
Герапетритис: Ќе бидеме строги за верното и доследно спроведување на Договорот од Преспа од Северна Македонија
-
Палчо вечерва слетува во Македонија - ќе биде пренесен во Шутка
-
Грчки пратеник го искина Преспанскиот договор при собраниска седница
-
Пронајдена почината Аргентинка во хотелска соба во Охрид
-
Курти за вонредни избори во Косово: Опозицијата да се подготви, ние сме секогаш подготвени
-
Фицо е во тешка животозагрозувачка состојба