Кина почна мисија за извлекување примероци од астероид

Кина рано денеска ја почна својата прва мисија за собирање примероци од карпи од астероид близу Земјата. Целта е да се продлабочат научните сознанија за создавањето и обликувањето на астероидите и за раниот Сончев Систем.
Вселенското летало без екипаж „Тијанвен-2“ успешно полета од центарот за лансирање на сателити „Шичанг“ во југозападна Кина, соопшти кинеската Национална вселенска администрација. Сондата ќе патува околу една година, а целта е астероидот „2016 ХО-3“, наречен и „Камо’оалева“. По пристигнувањето, леталото ќе орбитира околу астероидот заради набљудување и за земање примероци од површината на вселенското тело.
Се очекува примероците да бидат вратени на Земјата во капсула до крајот на 2027 година.
Потоа, следи испитување и на кометата „311-П“, којашто се наоѓа во астероидниот појас меѓу Марс и Јупитер.
Кинеската вселенска програма рапидно се прошири последниве години, а можеби најважниот потфат го вклучуваше поставувањето на вселенската станица „Тијангонг“, како и плановите за слетување на Месечината со екипаж околу 2030 година. Со лансирањето на „Тијанвен-2“, Кина се обидува да им се придружи на САД и Јапонија како држави коишто успеале во праќањето примероци од астероиди на Земјата.
Ново на Сител
-

Побаран притвор за охриѓанецот кој ја претепа својата девојка - се товари за три кривични дела
-

Мицкоски со осуда за нападот врз девојката во Охрид: Ќе сториме сè сторителот да одговара пред правдата
-

Попладнево повторно приведен Корабоски – нови околности во случајот
-

Чеферин гостин на Омерагиќ, заедно ќе го следат дуелот Македонија – Словенија
-

МФ: Јавниот долг во 2027, во согласност со ревидираните податоци за БДП, нема да го надмине прагот од 60%
-

Родителите со две ќерки се најсреќни, покажува научна студија на речиси 50.000 луѓе
-

Се подготвуваат законски измени за повратот на ДДВ за компаниите, ќе се прецизираат роковите
-

Минчев: Транспарентноста, отвореноста и отчетноста мора да станат природен начин на работа на институциите
