Денот на екологијата одбележан во кумановските училишта и градинки
Учениците, наставниците и родителите во сите основни и средни училишта и градинки во Куманово, денеска со еколошки акции за расчистување на просторот и посадење садници го одбележаа доаѓањето на пролетта и Денот на екологијата.
Во кумановското основно училиште „Христијан Тодоровски Карпош“ учениците активно се вклучија во расчистување на просторот и промовираа еколошко списание „Фиданка“, изработено од учениците.
- Списанието „Фиданка“ денеска излегува за прв пат, во договор сме еднаш годишно да излегува, нагласи Биљана Петковска која е еден од уредниците на списанието.
Според Петковска еко тимот има многубројни активности и меѓу нив потекнала и идејата да се направи ова списание, со што ќе се поттикнат и вклучат децата постојано да размислуваат, креираат, творат, разговараат за екологијата.
Наставниците се надеваат дека на овој начин ќе им дадат простор на учениците да творат, собираат материјали и да учествуваат во креирање на списанието.
- Во рамки на проектот интеграција за еколошка едукација во македонскиот образовен систем, нашето училиште во октомври минатата година, конкурираше за знаме и стана дел од мрежата на еко училишта низ државата. Се здоби со титула еко училишта закитено со сребрено знаме, благодарение на соработката на сите во еко тимот, изјави Даниела Стефановска, проектен координатор.
Таа додаде дека учениците со воодушевување ги прифаќаат сите активности како што се еко тимовите и патролите, работилници и дека имаат поддршка од родителите и од пошироката заедница, локалната самоуправа и јавните претпријатија „Водовод“ и “Чистота и Зеленило“.
Ново на Сител
-
Казнети 809 возачи, 264 за погрешно паркирање, 232 за брзо возење, 56 возеле без возачка
-
Никола Груевски за Фросина и други потенцијални жртви, за Игор Југ и Зоран Заев
-
Преку Бугарија транзитирани рекордни количества на руски гас
-
Дубаи потпиша договор за брза транспортна мрежа со компанијата на Илон Маск
-
Руски дрон удри во нуклеарката во Чернобил | ВИДЕО
-
МЗШВ: Во чест на денешниот празник Свети Трифун, исплатени се 315.745.324 денари кон 11.689 лозари
-
Странски туристички агенти влегоа во Северна Кореја првпат по затворањето на границата во 2020 година
-
Таравари: Со пакет мерки да ги решиме грбот, химната и другите заостанати прашања