Гордост и успех за македонските студенти! Прием на ФФОСЗ за каратистите и кикбоксерите по меѓународните успеси

Денес на Факултетот за физичко образование, спорт и здравје, деканот проф. д-р Влатко Неделковски и продеканот за настава проф. д-р Андријана Мисовски ги пречекаа студентите – победници на Европскиот универзитетски шампионат во боречки спортови, кој се одржа во Варшава, Полска (22–25 август 2025 година).

Нашите млади спортски јунаци донесоа три медали во карате:

Ангела Мојсовска – злато

Универзитет „Св. Кирил и Методиј“ – Скопје

Факултет за информатички науки и компјутерско инженерство (ФИНКИ)

Љупчо Михајлов – сребро

Универзитет „Гоце Делчев“ – Штип

Економски факултет

Викторија Јовановска – бронза

Универзитет „Скопје“

Факултет за компјутерски науки

Тренери:

д-р Бошко Заборски – селектор на универзитетската карате репрезентација на Македонија

м-р Жарко Арсовски – селектор на карате тимот на Универзитетот „Гоце Делчев“ – Штип

А со златен сјај блеснаа и нашите студенти од Факултетот за физичко образование, спорт и здравје на Балканскиот куп во кик бокс и мај тај:

Максим Митровски – студент на ФФОСЗ и Силвио Мировски – студент на ФФОСЗ, под водство на селекторот Дејан Митровски и тренерот Драган Атанасовски.

„Честитки за сите натпреварувачи и тренери!

Вие сте нашата гордост и најдобар доказ дека трудот, дисциплината и љубовта кон спортот секогаш носат резултат“, напишаа на Фејсбук од Факултет за физичко образование, спорт и здравје – Скопје.