Песков: Путин и Ердоган се согласија дека заплената на руски средства го загрозува меѓународниот финансиски систем

Претседателите на Русија и Турција, Владимир Путин и Реџеп Таип Ердоган, денеска во Ашхабат се согласија дека европските обиди за преземање на руски средства ќе доведат до уништување на темелите на меѓународниот финансиски систем, изјави портпаролот на Кремљ, Дмитриј Песков.

Како што рече, покрај дискусијата за украинското прашање, двајцата лидери забележаа и дека односите меѓу Русија и Турција се развиваат во сите области.

Руските медиуми пренесуваат дека на средбата присуствувал и помошникот на рускиот претседател, Јуриј Ушаков.

Билатералната средба меѓу Путин и Ердоган се одржува на маргините на форумот посветен на Меѓународната година на мирот и довербата, Меѓународниот ден на неутралноста и 30-годишнината од трајната неутралност на Туркменистан.

МИА