Песков: Не е планиран телефонски разговор меѓу Путин и Трамп, ќе го организираме по потреба

Распоредот на претседателот на Русија, Владимир Путин за последните недели од 2025 година во моментов не вклучува телефонски разговор со претседателот на САД Доналд Трамп, изјави денеска портпаролот на Кремљ, Дмитриј Песков.

Тој додаде дека Кремљ дополнително ќе соопшти дали Путин ќе му го честита Божиќ на Трамп.

– Во моментов не е предвидено, но ако биде потребно, тој разговор може брзо да се организира, рече Песков.

Според него, Путин денеска ќе има билатерални средби со претседателот на Киргистан, Садир Жапаров, и со претседателот на Белорусија, Александар Лукашенко.

Песков исто така потврди дека претседателите на Азербејџан и Ерменија, Илхам Алиев и Никол Пашињан, ќе учествуваат на неформалниот самит на Заедницата на независни држави.