„Опен-АИ“ го прекинува ексклузивниот договор со „Мајкрософт“ заради соработката со „Амазон“ и „Гугл“

Американската технолошка компанија „Опен-АИ (OpenAI)“ објави дека го прекинува ексклузивниот пристап што технолошкиот гигант „Мајкрософт (Microsoft)“ го имаше до нејзините ВИ-модели.
Ова отвора можност за проширување на својот бизнис на платформите на други конкуренти, вклучувајќи ги „Амазон (Amazon)“ и „Гугл (Google)“. По објавата, акциите на „Мајкрософт“ паднаа за околу еден отсто, бидејќи инвеститорите ја оценија одлуката како можно губење на конкурентската предност во областа на вештачката интелигенција. „Мајкрософт“, која изгради респектабилна позиција во ВИ-секторот благодарение на раните инвестиции во „Опен-АИ“, ќе остане главен партнер на компанијата во областа на облак-услугите и пресметувањето и ќе задржи лиценца за својата интелектуална сопственост до 2032 година.
Според новиот договор, производите на „Опен-АИ“ прво ќе бидат поставени на платформата „Азур“ на „Мајкрософт“, освен во случаи кога компанијата не е во можност или не сака да имплементира одредени функции. Истовремено, „Опен-АИ“ ќе може да ги продава своите технологии преку облак-инфраструктурата на други компании, што укажува на промена во сегашниот модел на соработка и можно натамошно интензивирање на конкуренцијата меѓу водечките технолошки компании.
МИА
Ново на Сител
-

Побаран притвор за охриѓанецот кој ја претепа својата девојка - се товари за три кривични дела
-

Мицкоски со осуда за нападот врз девојката во Охрид: Ќе сториме сè сторителот да одговара пред правдата
-

Попладнево повторно приведен Корабоски – нови околности во случајот
-

Чеферин гостин на Омерагиќ, заедно ќе го следат дуелот Македонија – Словенија
-

МФ: Јавниот долг во 2027, во согласност со ревидираните податоци за БДП, нема да го надмине прагот од 60%
-

Родителите со две ќерки се најсреќни, покажува научна студија на речиси 50.000 луѓе
-

Се подготвуваат законски измени за повратот на ДДВ за компаниите, ќе се прецизираат роковите
-

Минчев: Транспарентноста, отвореноста и отчетноста мора да станат природен начин на работа на институциите
