Трамп: Кралот Чарлс Трети се согласува дека Иран не смее да поседува нуклеарно оружје

Претседателот на САД, Доналд Трамп, изјави дека британскиот крал Чарлс Трети се согласува дека Иран не треба да поседува нуклеарно оружје.
„Во моментов работиме на прашањата на Блискиот Исток и тоа оди многу добро“, изјави Трамп во обраќање на официјална вечера во Белата куќа организирана во чест на монархот.
Настанот се одржа на вториот ден од четиридневната посета на Чарлс на САД, во време на тензии во односите меѓу двете земји, откако Трамп повеќепати упати критики кон британскиот премиер Кир Стармер за, како што наведе, недоволна помош „во водењето на војната против Иран“.
„Од воена гледна точка го победивме овој противник и никогаш нема да дозволиме тој противник – Чарлс се согласува со мене дури и повеќе отколку јас самиот – да поседува нуклеарно оружје“, додаде тој.
Во своето обраќање по Трамп, Чарлс не го спомена Иран ниту војната.
Кралот Чарлс Трети во обраќањето пред Конгресот не зборуваше директно за војната со Иран, но се осврна на критиките на Доналд Трамп кон НАТО и ја нагласи важноста од континуираната американска помош за Украина, како и опасноста од изолационизмот.
И Обединетото Кралство и САД со години го застапуваат ставот дека Иран не треба да развива нуклеарно оружје.
Техеран не поседува нуклеарно оружје и негира дека има намера да го стекне, но истакнува дека има право да развива нуклеарни технологии за мирољубиви цели, вклучително и збогатување ураниум, како потписник на Договор за неширење на нуклеарно оружје.
МИА
Ново на Сител
-

Протести во Прага поради планираното укинување на претплатата за чешките јавни медиуми
-

Од специјализирана продавница за „Покемон“ украдени карти во вредност од над 130.000 евра
-

Трамп бара од Конгресот дополнителни средства за модернизација на американскиот систем за контрола на воздушниот сообраќај
-

Следува променливо облачно и потопло време, од среда повремено силен јужен ветер
-

Изминатото деноноќие 15 пријави за семејно насилство во државава
-

Акциски контроли на подрачјето на Центар во Скопје, констатирани повеќе прекршошци
-

Седум ПП возила и 19 пожарникари гаснеле запалена барака во Жданец
-

Николоски: Охридскиот аеродром годинава ќе достигне помеѓу 370.000 и 400.000 патници наспроти предвидените 130.000 до 2030 година
