Во Берово најстудено утрово, во Гевгелија најтопло

Утринските температури утрово се движат од минус 5 степени во Берово до 5 степени во Гевгелија. Минус 1 степен е измерен на Попова Шапка, Маврови Анови, Крива Паланка и Лазарополе, нула во Струмица, Скопје-Петровец, Охрид, Демир Капија, Битола и Тетово, еден степен во Претор, Штип, Прилеп и Велес, два степени во Крушево, Кавадарци, Куманово и Виница, а три степени во Скопје на Зајчев Рид.

Од Управата за хидрометеоролошки работи информираат дека времето денеска ќе биде сончево со мала локална облачност. Ќе дува слаб до умерен ветер од северен правец. Максималната температура ќе биде во интервал од 18 до 25 степени.

Во Скопје времето ќе биде сончево со мала облачност и слаб до умерен северен ветер. Максималната температура ќе достигне до 24 степени.

МИА