Северна Кореја повторно истрела ракета со краток дострел

Северна Кореја денеска повторно истрела ракета со краток дострел, што падна во водите крај нејзиниот источен брег, соопшти јужнокорејската армија.

Како што јави Јонјап, во соопштението на Генералштабот на јужнокорејската армија се наведува дека проектилот со краток дострел бил истрелан во близина на градот Вонсан во североисточна Сееврна Кореја и дека прелетал 200 километри.

Јужнокорејската армија наведе дека внимателно ја следи ситуацијата и оти е подготвена за секоја можност.

Тензиите на Корејскиот Полуостров се зголемени по четвртиот севернокорејски нуклеарен тест на почетокот на јануари, а на 7 февруари беше истрелан ракета, за која се смета дека требаше да го скрие тестирањето на балистички проектил со голем дострел.

Советот за безбедност на Обединети нации на почетокот од март воведе нов пакет санкции за Северна Кореја.