Уапсени 11 лица кај кои е пронајдена дрога, при претрес во Затвор Идризово кај осуденик пронајдени таблети

На 05/06.07.2026 во Скопје, на различни локации, полициски службеници од СВР Скопје ги лишија од слобода М.Т.(37), З.Т.(25), И.Д.(31), Б.Ј.(20), М.Г.(20) од Скопје, Ш.Б.(33) од с.Инџиково, скопско и Е.Н.(25) од с.Кондово, скопско, затоа што кај нив е пронајдена и одземена прашкаста материја, бела грутчеста материја и марихуана. 

На 06.07.2026 во 02:40 часот, на улица „101“ во Гостивар, во близина на бензинска пумпа, полициски службеници го лишија од слобода Л.Ќ. (18) од Гостивар, кај кого при преглед била пронајдена и одземена марихуана. 

На 05.07.2026 во 14:15 часот во СВР Скопје, од Казнено- поправната установа Затвор Идризово е пријавено дека околу 12:15 часот во установата за време на посета на осуденик С.М.(32) од Штип при извршен претрес биле пронајдени и одземени таблети. 

На 05.07.2026 во 17:25 часот, на ул. „Тепсија” во Битола, полициски службеници од СВР Битола го лишија од слобода Б.Б.(20) од Битола, бидејќи при преглед кај него била пронајдена марихуана. 

На 05.07.2026 на место викано Вештачко езеро во Прилеп, полициски службеници од ОВР Прилеп ги лишија од слобода Ш.О. (41) од Р.Турција, со привремен престој во Прилеп и Ф.И. (27) од Прилеп. При контрола на патничко возило „мерцедес” со прилепски регистарски ознаки, во кое биле двете лица, пронајдена била прашкаста материја. 

По целосно документирање на случаите, ќе следуваат соодветни поднесоци.