ОЧИ КАКО ЦРНО МОРЕ

Некои погледи кријат надеж, други тајни, а оние очи како црно море - еден цел живот исполнет со болка и љубов. По враќањето во родното место, животот на младиот и чесен капетан Азил се менува засекогаш. Љубовта со Ѓунеш, одамна чуваните семејни тајни и откритието дека е наследник на моќно семејство, го вовлекуваат во свет на интриги, предавства и опасни пресметки.

Соочен со вистината за своето минато и со опасни непријатели кои демнат над семејството, Азил започнува немилосрдна битка да го зачува она што најмногу го сака. Растргнат меѓу семејната должност, забранетата љубов и сопствените морални принципи, тој ќе мора да одлучи дали ќе ја прифати моќта што му припаѓа или ќе остане верен на вредностите што го создале.

Во свет каде што крвта ја одредува судбината, а изборите го градат карактерот, неговата најголема битка ќе биде онаа за правдата, семејството и љубовта. Викенд драма од брегот на Црното море каде вистината има цена што може да промени сè.