Наезда на глувци и стаорци кај „Буњаковец“ – граѓани алармираат за „живи и мртви“ глодари

Граѓани алармираат за појава на глувци и стаорци во реонот на паркингот меѓу ТЦ „Буњаковец“ и основното училиште „Ј.Х. Песталоци“ во Скопје.

На Фејсбук страницата „Во одбрана на Буњаковец“ утрово беа објавени фотографии на кои се гледаат мртви стаорци. Според коментарите и реакциите на жителите, во истиот реон биле забележани и живи глодари.

Како што се наведува во објавата, фотографиите се направени на 17 септември.

Жителите бараат од надлежните институции да излезат на терен, да ја утврдат состојбата и да преземат соодветни мерки за справување со проблемот.