Победа и пораз на македонските репрезентации на шаховската Олимпијада

Половичен успех имаа македонските репрезентации во 6. коло на шаховската Олимпијада во Самарканд, откако шахистите извојуваа денеска победа над Либан, додека дамите загубија од домаќинот Узбекистан.

Машката репрезентација во состав Емил Ристески, Антон Златков, Тони Лазов и Филип Панчевски извојува максимална победа од 4-0 над Либан и дојде до осмиот поен, додека лидер е Узбекистан со максимални 12 поени.

На женскиот олимписки турнир, македонската репрезентација претрпе пораз од Узбекистан со 3.5-0.5.

Сања Трајковска освои половина поен на четвртата табла, а порази претрпеа Моника Стојковска, Моника Жежовска и Ивана Манова.

По шест одиграни кола, македонската женска шаховска репрезентација е на 91. место со шест бодови.

Утре е слободен ден на 46. шаховска Олимпијада, а натпреварите од 7 коло се на програмата в среда.

МИА