Две лица од Радовиш произведувале и продавале мраз со бактерии, запленети 850 килограми

Кривична пријава е поднесена против двајца 62-годишни жители на Радовиш, осомничени дека подолг период без регистрација произведувале и продавале мраз во нехигиенски услови.
При претресите, извршени на четири локации, биле пронајдени машини за производство на мраз, замрзнувачи и околу 850 килограми готов производ наменет за продажба.
Лабораториските анализи покажале присуство на ешерихија коли и колиформни бактерии во примероците од мразот и опремата, поради што производот бил оценет како небезбеден и штетен по здравјето. Пронајдените машини и мразот биле запечатени и одземени од Агенцијата за храна и ветеринарство.
При контролата било утврдено и дека водата за производство во подрумските простории се користела преку приклучок што не бил регистриран преку водомер.
При претрес на уште еден објект во атарот на Радовиш, кој бил бесправно изграден, била пронајдена и воздушна пушка без соодветна документација.
Двајцата биле приведени и задржани во Полициската станица Радовиш. СВР Струмица најави дополнителни пријави во врска со бесправно изградениот објект и пронајдената пушка.
Ново на Сител
-

Протести во Прага поради планираното укинување на претплатата за чешките јавни медиуми
-

Од специјализирана продавница за „Покемон“ украдени карти во вредност од над 130.000 евра
-

Трамп бара од Конгресот дополнителни средства за модернизација на американскиот систем за контрола на воздушниот сообраќај
-

Следува променливо облачно и потопло време, од среда повремено силен јужен ветер
-

Изминатото деноноќие 15 пријави за семејно насилство во државава
-

Акциски контроли на подрачјето на Центар во Скопје, констатирани повеќе прекршошци
-

Седум ПП возила и 19 пожарникари гаснеле запалена барака во Жданец
-

Николоски: Охридскиот аеродром годинава ќе достигне помеѓу 370.000 и 400.000 патници наспроти предвидените 130.000 до 2030 година
