Честитка од Мицкоски: Бошњаците се нераскинлив дел од нашето мултиетничко општество

Премиерот Христијан Мицкоски по повод Меѓународниот ден на Бошњаците, упати честитки до сите припадници на бошњачката заедница.

- Нашата различност е нашата сила, а заедничкиот живот, меѓусебното почитување и разбирањето се темелите врз кои ја градиме нашата држава - пишува во денешната објава на Фејсбук-страницата на премиерот.

Се додава дека Бошњаците се нераскинлив дел од нашето мултиетничко општество, со својот богат културен идентитет, традиција и придонес во развојот на државата.

- Ви посакувам здравје, успех и благосостојба, со уверување дека заеднички продолжуваме да градиме општество на еднакви можности, почит и доверба - порача премиерот.

МИА