Мицкоски за Изборниот законик: Левица, СДСМ и ДУИ нека дојдат со предлог, ние сме за гласање на дијаспората

Премиерот Христијан Мицкоски денеска изјави дека дијалогот на работната група за Изборниот законик ќе се откочи откако „обединетата опозиција - Левица, СДСМ и ДУИ“ ќе дојдат на состанок со предлог.

- Тие не доаѓаат. Левица ги интересираат парите за да одат на Халкидики, да си купуваат имот и за да прават кафулиња. СДСМ не знам што сакаат. ДУИ можам да кажам дека знаат што сакаат, ама тоа е невозможно - рече Мицкоски.

Тој им  порача да се договорат и оти тоа што тие ќе го договорат ќе биде прифатено, при што останува барањето за олеснување на гласањето на дијаспората за претседателските избори во 2029 година.

-Нека седнат, нека се договорат, тоа што тие ќе се договорат ние ќе го прифатиме, а условот на ВМРО-ДПМНЕ е  да се олесни гласањето на дијаспората од претседателските избори во 2029 година. Тоа го бараме, мислам дека не бараме премногу - рече Мицкоски.

МИА