Европските демократии се под закана како никогаш досега, вели германскиот претседател

Германскиот претседател Франк-Валтер Штајнмаер ги повика Германија и Франција заедно да ја водат Европа, додавајќи дека годишнината од масакрот извршен од Хамас во Израел е силен потсетник за потребата од заеднички европски одговор на заканите за мирот и безбедноста, јави ДПА.
Штајнмаер го изјави ова синоќа во Париз за време на приемот во германската амбасада како дел од неговата државна посета на Франција.
Третата годишнина од масакрот извршен од Хамас нè потсетува „колку, во овие темни времиња, ни е потребна посветеност на мирот и безбедноста“, рече тој.
Франција и Германија мора да излезат со „искрена и обединета европска политика“.
„Европските демократии се соочуваат со предизвик со кој не се соочиле од Втората светска војна, кој доаѓа и однадвор и одвнатре“, истакна тој.
„Може да има само еден одговор. Сега, повеќе од кога било, Европа мора да застане обединета и самоуверена во одбрана на вредностите што нè прават тоа што сме: почитување на човечкото достоинство, мир, слобода и демократија“, рече Штајнмаер.
Се очекува денеска да биде пречекан со сите воени почести од неговиот француски колега Емануел Макрон. Штајнмаер и Макрон ќе ги напуштат своите функции следната година.
МИА
Ново на Сител
-

Koшта: Проширувањето на ЕУ служи за зајакнување на Европа, како отпорна економска сила и сила за мир
-

Измамници ја користат видео играта GTA VI за да крадат пари и податоци од гејмерите
-

Побаран притвор за охриѓанецот кој ја претепа својата девојка - се товари за три кривични дела
-

Мицкоски со осуда за нападот врз девојката во Охрид: Ќе сториме сè сторителот да одговара пред правдата
-

Попладнево повторно приведен Корабоски – нови околности во случајот
-

Чеферин гостин на Омерагиќ, заедно ќе го следат дуелот Македонија – Словенија
-

МФ: Јавниот долг во 2027, во согласност со ревидираните податоци за БДП, нема да го надмине прагот од 60%
-

Родителите со две ќерки се најсреќни, покажува научна студија на речиси 50.000 луѓе
