Мицкоски: СДСМ во Брвеница е декласиран од граѓаните

Претседателот на ВМРО-ДПМНЕ, Христијан Мицкоски вечерва му честита на Стојанчо Радически од коалицијата „Твоја Македонија“ за освоениот број гласови на изборите за градоначалник во Брвеница.

Како што рече, СДСМ е декласиран во овој прв круг.

- ВМРО-ДПМНЕ е убедливо прва и има огромна победа во првиот круг на изборите за градоначалник во општина Брвеница. Иако пред само неколку дена раководството на СДСМ најавуваше убедлива победа во Брвеница, сепак, СДСМ е декласиран од граѓаните и тоа е важна порака од граѓаните до нивното раководство, истакна Мицкоски на прес-конференција.

Според него, денешното гласање е потврда дека граѓаните ги препознаваат и поддржуваат политиките на ВМРО-ДПМНЕ.

Народот, рече, одбира прогрес, единство и исправна борба за иднината.

- Владата ќе продолжи да вложува во развојот на општините, со јасни приоритети и уште поголема одговорност, напомена Мицкоски.

Како што оцени, со оглед дека на изборите во Брвеница има повеќе кандидати, многу веројатно е дека ќе има втор изборен круг, каде што фаворит е кандидатот на ВМРО-ДПМНЕ со освоени околу 3.000 гласа. 

МИА