Макрон со порака дека доколку е потребно, протестите ќе бидат забранети

Францускиот претседател Емануел Макрон синоќа изјави дека протестите ќе бидат забранети доколку е потребно, по насилните немири во Франција.
„Со оглед на моменталната ситуација, префектите ќе донесат одлуки во координација со градоначалниците за да ги заштитат нашите градови, јавни згради и продавници и доколку е потребно, ќе одат дотаму што ќе забранат одредени собири и ќе преземат потребни мерки“, рече претседателот на Франција во телевизиско обраќање.
„Работата на полицијата е исто така под лупа“, рече Макрон, и побара од министерот за внатрешни работи да се справи со тоа.
Повеќе од половина милион луѓе протестираа во Франција во саботата на национален протест против високите трошоци за живот.
Во многу градови имаше грабежи, палежи и материјална штета, а маскирани демонстранти нападнаа градски собранија, полициски станици и владини згради.
„Вчера, и покрај нивниот професионализам, нашите полицајци се соочија со невидено насилство во бројни градови. Одново побарав од владата да извлече поука од ова… за да се осигура дека ова нема да се случи повторно. Очекувам јасни одговори и се ќе биде целосно транспарентно. Секој што се обидел да ја собори републиката ќе биде повикан на одговорност.“, рече Макрон.
МИА
Ново на Сител
-

Протести во Прага поради планираното укинување на претплатата за чешките јавни медиуми
-

Од специјализирана продавница за „Покемон“ украдени карти во вредност од над 130.000 евра
-

Трамп бара од Конгресот дополнителни средства за модернизација на американскиот систем за контрола на воздушниот сообраќај
-

Следува променливо облачно и потопло време, од среда повремено силен јужен ветер
-

Изминатото деноноќие 15 пријави за семејно насилство во државава
-

Акциски контроли на подрачјето на Центар во Скопје, констатирани повеќе прекршошци
-

Седум ПП возила и 19 пожарникари гаснеле запалена барака во Жданец
-

Николоски: Охридскиот аеродром годинава ќе достигне помеѓу 370.000 и 400.000 патници наспроти предвидените 130.000 до 2030 година
