Трамп се закани со преземање на целата иранска нафта

Американскиот претседател Доналд Трамп изјави дека САД, доколку сакаат, можат да ја преземат целата иранска нафта, па дури и контролата врз целата земја.

„Иран сега многу малку од тоа може да преземе. Ако сакаме, би можеле да ја земеме целата нивна нафта – па дури и целата земја! Целата нивна нафта може да биде наша“, им рече Трамп на новинарите.

Одговарајќи на прашање за можноста за долготраен конфликт на Блискиот Исток, американскиот претседател оцени дека ситуацијата е во ќорсокак. Тој исто така тврди дека Ормуската теснина е под целосна контрола на САД.

Трамп претходно зборуваше за можноста САД да ја задржат контролата врз иранската нафта, додека Вашингтон продолжува да тврди за својата предност во конфликтот со Техеран.

МИА