Еве какво ќе биде времето цел април - Сонце и грмотевици!

Наредниве денови во Македонија ќе биде претежно сончево и топло. Во петок и за време на викендов се очекува променливо облачно и посвежно време, наместа со врнежи од дожд и грмежи.

Што се однесува на долгорочната прогноза за цел април, неделата која започна денес најверојатно ќе биде најтопла овој месец. Единствено потопло ќе биде на 12 и 13 април кога максималните дневни температури ќе достигнат 26 степени Целзиусови.

Првото заладување доаѓа веќе овој викенд, кога облаците ќе донесат неколку степени пониски температури.

До крајот на април температурате постепено ќе паѓаат, па така последната недела највисоката температура ќе изнесува 18 степени, а нема да не заобиколи ниту дождот со грмежи.