„Зелена Македонија“ во општина Чешиново Облешево

Општина Чешиново Облешево започна со реализација на програмата „Зелена Македонија“ во која се ангажирани 12 невработени лица од општината за извршување на општокорисни работи во период од чест месеци. Овие работници ќе бидат ангажирани во Јавното претпријатие „Облешево“.

- Проектот „Зелена Македонија“ во нашата општина се спроведува трета година и резултатите се повеќе од задоволителни. Годинава вработените лица ќе работат на одржување на локалниот и дел од магистралниот пат М5 кој поминува низ Облешево, како и на одржување на паркови и зеленило, на пазарот во Облешево и одржување на чистотата на одредени рекреативни места во општината, изјави Катерина Апостолова,од општина Чешиново Облешево.

Во изминатите три години преку проектот „Зелена Македонија“ работни се ангажирани 45 лица, од кои десетина по завршувањето на проектот најдоа трајно вработување во повеќе субјекти во општината. Лицата кои се ангажирани во проектот ќе добиваат надомест кој го обезбедува општината.