Грабар Китаровиќ ќе почне консултации со парламентарните партии

Претседателката на Хрватска Колинда Грабар Китаровиќ утре ќе почне консултации со парламентарните партии, откако Саборот денеска изгласа недоверба на премиерот Тихомир Орешковиќ, со што падна и хрватската Влада. 

По неполни шест месеци од формирањето на владата во Загреб, хрватскиот Сабор со големо мнозинство гласови изгласа недоверба на премиерот Орешковиќ, но засега не е познато кој ќе биде следниот чекор, реконструкција на Владата или распишување нови избори.

Претседателката има 30 дена да одлучи дали ќе му даде мандат на некој друг да ја реконструира владата или ќе се одлучи за распишување на вонредни парламентарни избори.