Криминалците ја користат играта „Покемон Го“ како мамка

Криминалците во САД играта за мобилни телегони „Покемон Го“ ја користат како мамка за ограбување на играчите.

Полицијата на американската сојузна држава Мисури на Фејсбук објави дека криминалците изминатите денови ограбиле 11 тинејџери користејќи ја играта „Покемон Го“.

Криминалците ја користеле функцијата геолокација во играта за да ги намамат играчите до местото на кое ги чекале ветувајќи им виртуелни награди.

„Покемон Го“ од средината на минатата недела е достапна за играчите во САД, Австаралија, Нов Зеланд и Јапонија.

Играчите во сите земји биле доведени до низа бизарни ситуации. Така во Австралија играчите пристигнале во полициска станица бидејќи играта покажувала дека таму се наоѓа една од бараните локации.

Во САД играчи ловејќи „пиксел монструми“ пронашле мртовец во река во близина на местото Ривертон.

- „Попкемон Го“ е опасна бидејќи ги анимира играчите да излезат од домот и во реалниот свет да трагаат по Покемон, што може да ги доведе во непријатни, но и опасни ситуации, предупредуваат властите.