-->
-->
Ракометната репрезентацијата на Македонија до 18 години ќе игра на ЕХФ првенството
-->
Машка кадетската ракометна репрезентација на Македонија (за играчи до 18 години) на 5 август во Скопје ќе ги почне подготовките за ЕХФ Шампионатот што во периодот од 15 до 21 август ќе се игра во Варна и Камчиа, Бугарија.
Со одлука на Управниот Одбор на РФМ, Илија Темелковски е поставен за селектор на оваа репрезентација, откако Пепи Манасков од оправдани лични причини не беше во можност да одговори на задачата, но Манасков потенцираше дека во иднина ќе биде на располагање за сите проекти на Федерацијата доколку има потреба од негов ангажман.
Темелковски го закажа првиот собир за 5 август, а повикани се 21 ракометар. Дел од играчите кои се вклучени во Јуниорската репрезентација, ќе се приклучат по завршувањето на Јуниорското ЕП што ќе се игра во Данска во периодот од 28 јули до 7 август.
На ЕХФ Шампионатот (од 15-21 август), Македонија ќе игра во А групата против селекциите на Унгарија, Украина, Ерменија, Косово и Кипар. Натпреварите во групната фаза ќе се играат во Камчиа во периодот од 15 до 20 август, додека финалните средби ќе се играат на 21 август во Варна.
Пред почетокот на ЕХФ Шампионатот, поточно на 13 август, Македонија во склоп на подготовките ќе одигра пријателска средба со кадетската селекција на Бугарија.
-->
-->
-->
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување