Мексикански медиуми: Претседателот Нието го плагирал дипломскиот труд

Мексикански медиуми го обвинија претседателот Енрике Пења Нието дека плагирал речиси 30 отсто од неговиот дипломски труд на Правниот факултет во 1991 година. 

Порталот „Аристегуи Нотициас“ објави, врз основа на истражување, дека 29 отсто од трудот на Нието е потпишан од друг автор. 

Меѓу останатото, Нието наводно препишал „од збор до збор“ и без цитирање, 20 параграфи од книгата на поранешниот претседател Мигел де ла Мадрид, јави Танјуг. 

Портпаролот на претседателот изјави дека Нието направил некои грешки, но дека неговиот дипломски труд не е плагијат.