Злоупотребени 960 хектари државно земјоделско земјиште во Штипско-карбинскиот регион

Државниот инспекторат за земјоделство констатирал злоупотреба на државно земјоделско земјиште на површина од околу 960 хектари во Штипско-карбинскиот регион.
Директорот на Инспекторатот Цветан Трифуновски денеска на прес-конференција соопшти дека при извршените контроли направени во периодот јули - август откриени се злоупотреби кај три правни субјекти.
Во еден случај утврден е прекршок предвиден со Законот за земјоделството и руралниот развој за што е започната постапка за одредување на висината на глобата, а кај друго правно лице се утврдени прекршоци од повеќе закони и констатирано е противправно користење на површина од 596 хектари државно земјоделско земјиште.
Кај третото правно лице утврдени се прекршоци од Законот за земјоделско земјиште за што е доставен предлог до Министерството за земјоделство за раскинување на договорот за долгорочен закуп, а дополнително се утврдува и евентуална злоупотреба на користење земјоделски субвенции.
Дополнително откриени се и насади со пченица на површина од 70 хектари без договор за закуп по што од страна на Државниот инспекторат за земјоделство е ангажирана механизација и ожнеаниот род во вкупна количина од 296 тони пченица е одземен.
- За оваа констатација на ДИЗ за противзаконска обработка на земјоделско земјиште во државна сопственост е известено МЗШВ кое во иднина во транспарентна постапка на оглас ќе биде доделено на вистинските земјоделци, рече Трифуновски.
Ново на Сител
-

Протести во Прага поради планираното укинување на претплатата за чешките јавни медиуми
-

Од специјализирана продавница за „Покемон“ украдени карти во вредност од над 130.000 евра
-

Трамп бара од Конгресот дополнителни средства за модернизација на американскиот систем за контрола на воздушниот сообраќај
-

Следува променливо облачно и потопло време, од среда повремено силен јужен ветер
-

Изминатото деноноќие 15 пријави за семејно насилство во државава
-

Акциски контроли на подрачјето на Центар во Скопје, констатирани повеќе прекршошци
-

Седум ПП возила и 19 пожарникари гаснеле запалена барака во Жданец
-

Николоски: Охридскиот аеродром годинава ќе достигне помеѓу 370.000 и 400.000 патници наспроти предвидените 130.000 до 2030 година
